Sot përballen Thaçi e Vuçiqi në Konferencën e Sigurisë në Mynih

09:32 | 16 Shkurt 2019
Arbresh.info

Presidenti i Kosovës Hashim Thaçi po merr pjesë në Konferencën e Sigurisë në Mynih të Gjermanisë.

Ai do të marrë pjesë në panelin folës të konferencës që mbahet tre ditë, shkruan arbresh.info.

Sot Thaçi do të përballet me homologun e tij serb Aleksandar Vuçiq në diskutimin për sigurinë: Dy hapa përpara, një hap prapa.

Gjithashtu pjesë e panelit do të jetë komisionari për Zgjerim dhe Fqinjësi Johannes Hahn, kurse moderator do të jetë Wolfgang Ischinger, ambasador dhe kryetar i Konferencës për Siguri në Mynih.

Konferenca e Sigurisë që zhvillohet në Mynih, është një nga më të rëndësishmet dhe më të mëdhatë në botë, në konferencat e kësaj natyre. Në të takohen rreth 40 kryetarë shtetesh dhe qeverish dhe 100 ministra, mes tyre kancelarja gjermane Angela Merkel, zëvendëspresidenti amerikan Mike Pence, ministri i Jashtëm rus Sergej Lavrov./Arbresh.info/